Австриската полиција уапси жена и нејзините двајца синови на старост од 19 и 22 години, поради сомнение дека продавале дрога во Австрија. Се верува дека во целата приказна е вклучена и мајката на уапсената жена, Босанка, која ја одгледувала марихуаната, пишува српски „Телеграф“.

Осомничената, инаку државјанка на Босна и Херцеговина, се терети дека редовно ја посетувала мајка си во татковината и дека оттаму криумчарела десетина килограми марихуана.

Додека дрогата потоа ја „растурала“ во Линц со синовите, бабата се грижела за да им подготви нова пратка кога потворно ќе стигнат во посета.

За време на приведувањето, полицијата кај осомничената нашла повеќе од 20 килограми канабис, но и три килограми хероин и дрогата наречена спид.

Семејството е уапсено кога најмладиот син се обидел да продаде дрога на полициски инспектор.