Никој не посакува поради пандемијата на коронавирусот и натаму да ги одложува фудбалските натпреварувања и да ги заклучува фудбалерите во наредните месеци, но Шпанците се подготвуваат и за тоа сценарио.

Со оглед на тоа што Шпанија е една од најпогодените земји од Ковид-19, направен е план доколку оваа сезона не може да заврши до предвидениот датум. Фудбалската федерација на Шпанија денеска испрати официјален предлог до „Ла Лига“ околу расплетот на првенството што се однесува до европските купови за следната сезона.

The Spanish Football Federation plans to award European places to teams as the table stands if LaLiga cannot be finished this season.

That would mean no Champions League football for Atletico Madrid (unless they win it this season, of course)

✍ … https://t.co/Z4WdXwyrUM

— standardsport (@standardsport) April 16, 2020

Според овој план, доколку првенството не можеше да се одигра до крај, моменталната табела во „Ла Лига“ ќе биде прогласена за конечна.

Во тој случај Барселона, Реал Мадрид, Севиља и Реал Сосиедад би добиле места во Лигата на шампионите, а најголем „губитник“ би бил Атлетико Мадрид, кој би требало да настапува во Лигата на Европа, заедно со Хетафе и Атлетик Билбао.

Во истиот предлог не се наведува дали воедно значи и потврда на шампионска титула на Барселона која до прекинот на сезоната имаше само два бода предност во однос на Реал Мадрид, ниту пак има информации како би се решило прашањето околу испаѓањето, дали некој би ја напуштил „Ла Лига“ или ќе биде проширена за уште две места за следната сезона.

Сега првите луѓе на „Ла Лига“ треба да одговорат на овој предлог што е можно поскоро, бидејќи следната недела УЕФА ќе има нова средба со претставниците на националните федерации околу можното продолжување на сезоната.