Арсенал брка негатива за четвртфинале во Лигата на шампионите
Љубителите на фудбалот денеска имаат два многу интересни натпревари во фудбалската Лига на шампионите. Се работи за реванш натпревари од осминафиналето.
Барселона ќе биде домаќин на Наполи. Првиот натпревар на стадионот „Диего Армандо Марадона“ на 21 февруари заврши 1:1. Стрелец на единствениот гол за Барса беше Роберт Левандовски во 60 минута, а стрелец за „наполитанците“ беше Виктор Осимен во 75 минута.
Барса е непоразена на осум мечеви во сите натпреварувања, Наполи на шест, а на трите домашни натпревари оваа сезона во групата на ЛШ, Каталонците три пати победија со гол разлика 9:2, додека шампионот на Италија ја помина групата со две победи и пораз на гостински терен.
Барса е непоразена против клубот од Неапол во последните пет средби (две победи, три нерешени).
𝗠𝗔𝗧𝗖𝗛𝗗𝗔𝗬 ♟️
🆚 #BarcelonaNapoli
🏟️ Estadi Olimpic Lluís Companys
🏆 #UCL
🕘 21:00 CET💙 #ForzaNapoliSempre pic.twitter.com/L3XZvPemY9
— Official SSC Napoli (@en_sscnapoli) March 12, 2024
Во вториот вечерашен дуел Арсенал е домаќин на Порто. Првиот натпревар, спротивно на прогнозите, го доби Порто со голот на Галено во четвртата минута од судиското надополнување.
Тоа беше пред три недели, а во меѓувреме Арсенал се искачи на врвот во Премиер лигата со ист број бодови како Ливерпул, „Топџиите“ имаат три победи во три кола, додека Порто е трет во португалската Примеира, шест натпревари во сите натпреварувања без пораз, а по триумфот играчите на Сержи Консеисао имаат нерешено и три победи над тимот на Микел Артета.
Арсенал сезонава во Лигата на шампионите на Емирати има три победи со гол разлика 12:0, а Порто сезонава на гостински терен, во групата, две победи и едно реми.
Ready for the challenge 💪 pic.twitter.com/1HXc3NeRDi
— Arsenal (@Arsenal) March 11, 2024
Лига на шампиони
Денеска, осминафинале, реванш
(во заграда се резултатите од првите натпревари)
21:00 часот Барселона – Наполи (1:1)
21:00 часот Арсенал – Порто (0:1)
