Анонимен твит поттикна лажна вест дека папата Лав одбил да го прими Макрон
Во последните часови се проширија лажни информации поврзани со претседателот на Франција, Емануел Макрон. Сè започнало од анонимен профил на Икс, иако изворот бил крајно сомнителен, објавата надминала еден милион прегледи и била преземена без никаква проверка од блогови, веб-страници и псевдо-медиуми, особено од крајната десница, пишува „Silere non possum“, независен италијански католички портал.
Препорачано
– Во твитот се тврдеше дека Папата Лав одбил аудиенција со Макрон, што е целосна невистина. Авторот на дезинформацијата произволно поврзал неколку теми – реставрацијата на витражите во Нотр Дам, дебатата во Франција за медицински асистирано самоубиство и наводен антагонизам на Ватикан кон француската политика – па дури и лажно тврдел дека папата планира да го смени парискиот надбискуп – пишува порталот.
⚠️ COUP DE TONNERRE AU VATICAN : LE PAPE LÉON XIV SNOBE MACRON ET REFUSE TOUTE AUDIENCE PRIVÉE ! 🇻🇦🇫🇷
C’est officiel et sans précédent : le Saint-Père, via Mgr Giovanni Cesare Pagazzi (ancien secrétaire au dicastère pour la culture), fait savoir qu’une rencontre avec Emmanuel… pic.twitter.com/PvIuURlUWk— Camille Moscow 🇷🇺 🌿 ☦️ (@camille_moscow) January 20, 2026
Дополнително, се тврдеше дека овие „информации“ наводно ги изнел Џовани Чезаре Пагаци, архивист и библиотекар на Римската црква. По директна проверка, Пагаци јасно изјавил дека никогаш не кажал ништо слично и дека ваквите прашања воопшто не се во негова надлежност, пишува порталот.
Потоа бил контактиран и Државниот секретаријат на Ватикан, од каде стигнал исто толку јасен одговор: сè е лажно. Единствено што постои се тековни дипломатски контакти со Елисејската палата за договор на термин за средба, зависно од агендите на двајцата лидери. Сите други наводи се, како што велат од Ватикан, „чиста бесмислица“.
Il Papa non ha mai negato un’udienza a Macron. Il direttore della Sala Stampa: voce “completamente falsa”. Lo stesso mons. Pagazzi ha negato d’aver mai detto alcunché sul tema. Anche perché è archivista e bibliotecario, non addetto alle udienze.
— Matteo Matzuzzi (@matteomatzuzzi) January 21, 2026
