Италијанските власти им предложија на англиските навивачи кои сакаа да ја бодрат нивната репрезентација на четвртфиналната пресметка против Украина, да се откажат од патување во Рим бидејќи по пристигнување во „вечниот град“ ќе чека петдневен карантин. Натпреварот треба да се игра во сабота, што значи дека навивачите кои ќе пристигнат во Рим нема да можат да го гледаат од трибините.
– Би сакал да потсетам дека поради актуелната ситуација со коронавирусот и со новиот делта сој, секој гостин од Велика Британија ќе мора да биде во петдневен карантин – изјави претставникот на министерството за здравство, Алесио Дамато.

Англиската репрезентација за прв пат од стартот на Евро 2020 ќе го напушти Лондон, и во сабота во Рим ќе игра против Украина во четвртфиналето. Доколку победат, Англичаните во полуфиналето и евентуално финалето повторно би го играле на „Вембли“ во Лондон.