Една жена во Англија е обвинета поради сомнение дека ставила таблети вијагра во кафето на своите колеги, пишува Гардијан.

Карен Бил (62) била вработена како чистачка во Енвирограф, фабрика која произведува производи за заштита од пожар во Довер. Пред неколку месеци, таа била снимена како става и меша непознат прав во кафето што го правела за другите колеги секој ден, рекоа од Кантербери Краун Корт.

Камерата била поставена по поплаките за кафето што таа го правела, а работниците се жалеле на чуден вкус, дамки во кафето и кашеста текстура.

На видеото може да се види Бил како носи ракавици и го меша кафето со прстите. Откако полицијата била алармирана, полицајците пронашле две тегли со кафе во кои имало лек за еректилна дисфункција силденафил, кој се продава како бренд Виагра и лек за висок холестерол.

Во канцелариите на двајца нејзини колешки, сметководителката Катрина Гравенор и секретарката Џин Смит биле пронајдени контаминирани тегли.

Бил ги негира сите наводи и се брани дека само ја проверувала содржината на чашите.

Обвинителството тврди дека количините на употребените апчиња не се доволни за сериозно труење на луѓето, но заклучиле дека Бил имала злонамерна намера да им наштети на своите колеги, а можеби и на другите работници во фабриката.