Андоновски за прв триумф на Тинекс Пролет во плеј-офот од ракометната Суперлига

фото: rkprolet.mk

Тинекс Пролет стигна до првата победа во плеј-офот откако во петтото коло по голема борба славеше над Охрид со резултат 27:26.

Охриѓани успеаја да стекнат позитива од „плус четири“ (10:6), а потоа Тинес Пролет возврати со серија од 8:3 за на пауза да замине со минимална предност од 14:13.

Избраниците на Лембанов одлично го отворија и второто полувреме и по четири минути стигнаа до највисоките „плус три“ (17:14). Охрид сега бркаше негатива и дојде до израмнување на 21:21.

Во последните 10 минути од мечот се влезе во нов егал (23:23). Двата тима постигнаа по три гола што значеше дека во последните 60 секунди се влезе со резултат 26:26, а гостите имаа напад за победа. Охриѓани направија грешка, по која останаа 20 секунди за последен напад за домаќините.

Последниот напад го реализираше капитенот на Тинекс Пролет Ласко Андоновски кој донесе голема победа за Пролет (27:26).

Александар Василевски со девет гола беше убедливо најдобар поединец во таборот на Тинекс Пролет, додека кај Охрид Гал Цицар постигна седум гола.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот