Американците не трпат потценувања: Не сме дојдени од улица – Слободен печат
КошаркаСпорт

Американците не трпат потценувања: Не сме дојдени од улица

Ѕвездите на Бостон селтикс не сакаат да се потценува сегашната репрезентација на САД иако се откажаа 19 кошаркари.

Кошаркарската репрезентација на САД не личи на себе откако дури 19 кошаркари го откажаа настапот на Светското првенство во Кина кое започнува на 31 август. Бројните откази, но и поразот на стартот од контролните натпревари ги натера главните ривали да размислуваат дека САД не се непобедливи.

Згора на тоа во прогнозите на ФИБА пред престојниот Мундобаскет, Американците не се главни фаворити за златниот медал, тие се на второто место веднаш зад Србија.

Грбот на кошаркарите им го свртеа и навивачите во САД кои не се надеваат дека сегашниот состав ќе успее да го одбрани златниот медал.
Ваквото потценување го разбуди инаетот кај преостанатите кошаркари.

– Не сме ние кошаркари кои се собрани од улица. Ние сме НБА играчи и сме доста добри во тоа што го правиме, а ваквите работи, како потценувањето дополнително не мотивираат – изјави Џејсон Тејтум, ѕвездата на  Бостон селтикс.

Истото мислење го дели и неговиот соиграч од Бостон,Кемба Вокер, и единствен во тимот на селекторот Грег Попович кој има настап на ол стар натпревар.
„Гладни сме за успех“, порача Вокер.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close