Алтипармаковски: Едвај чекам да му се вратам на фудбалот, победите, головите! – Слободен печат
СпортФудбал

Алтипармаковски: Едвај чекам да му се вратам на фудбалот, победите, головите!

Повредата веќе станува минато, Алтипармаковски веќе работи напорно со својот физиотерапевт што подобро го направи својот „кам-бек“.

Марјан Алтипармаковски (27) говореше за „Слободен печат“, после тешката повреда се чувствува одлично и едвај чека да се врати на терените.

– Еве веќе пет месеци се опоравувам, работам напорно секој ден со физиотерапевтот Милан Стошиќ после тешката повреда со која се здобив. Се чувствувам супер и едвај чекам повторно да се вратам на терените. Ми недостасуваат фудбалот, победите и головите – ни изјави Алтипармаковски.

facebook.com/marjan.altiparmakovski/

Во натпреварувачката сезона 2018/19 ги бранеше боите на албанскиот клуб Љачи, а своевремено и беше дел од Сараево (Босна и Херцеговина), Судува (Литванија), хрватскиот Интер Запрешиќ, грчките Панилијакос и Ксанти, Работнички, Пелистер.

Во потрага по нов клуб, наскоро ќе донесе одлука каде ќе ја продолжи фудбалската кариера.

– Имам некои понуди, па во овој период ќе се одлучам каде мислам дека е најдобро за мене во овој момент да ја продолжам кариерата. Пред сè ми треба здрава средина каде што повторно ќе играм и ќе се вратам во форма – додаде Алтипармаковски.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close