Шпанскиот тенисер, Карлос Алкараз верува дека има шанси во кариерата да освои барем еден Вимблдон.

20-годишникот од Мурсија во Квинс по третпат игра на оваа подлога. Стигна до полуфиналето, по одличниот меч со Григор Димитров (6:4, 6:4).

„Ова за мене беше далеку најдобриот меч на трева. Чувствувам дека имам многу повеќе искуство од претходните години. Позрел сум на оваа подлога. Како што ќе играм повеќе мечеви на трева, можам да станам одличен играч“, изјави Алкараз.

Вимблдон е започнува за десетина дена, а Алкараз верува дека ќе го освои овој турнир барем еднаш во кариерата.

„Се обидувам да учам од најдобрите и се чувствувам се подобро. Мислам дека ќе освојам барем еден Вимблдон“, истакна Шпанецот.

Следен противник во Квинс на Алкараз ќе му биде Себастијан Корда.

„Сакам да играм против млади играчи, ќе биде тоа посебен меч“, изјави Карлос.