Очекувано, шпанскиот тенисер Карлос Алкараз без поголеми проблеми славеше во четвртфиналниот дуел против Алекс де Минор на Австралија опен и со победа од 3-0 во сетови обезбеди пласман во полуфиналето, каде што ќе се соочи со Александер Зверев.

Алкараз вистински отпор почувствува само во воведниот сет, кој го доби со 7-5, по што целосно ја презеде контролата и рутински ги освои следните два сета со 6-2 и 6-1. Целиот меч траеше два часа и 20 минути.

Во женска конкуренција, Украинката Елина Свитолина одигра извонреден и експресен меч, совладувајќи ја домашната фаворитка Коко Гоф со убедливи 6-1 и 6-2 за само 59 минути. Со оваа победа, Свитолина обезбеди полуфинална пресметка против Арина Сабаленка.