Актерката Кирстен Данст и нејзиниот долгогодишен партнер актерот Џеси Племонс сега се официјално во брак. Двојката веќе има две деца, а заедно се шест години. Тие минатиот викенд се венчале во луксузното одморалиште „GoldenEye“ во Очо Риос, Јамајка, а веста ја потврди и претставникот на актерката, пренесува „The Cut“.

40-годишната Кирстен и 34-годишниот Џеси почнаа да се забавуваат во 2016 година, откако се запознале на снимањето на серијата „Fargo“, каде што играа пар, но почнале да се забавуваат дури по завршувањето на серијата во 2016 година. Тие се верија една година подоцна.

Двојката глуми заедно и во драмата на „Netflix“ од 2021 година „Power Of The Dog“, во која глумеа маж и жена, и двајцата беа номинирани за Оскар за нивните улоги.

Актерот ја нарече Кирстен своја „жена“ на Оскарите оваа година. Тогаш водителката Ејми Шумер седна до Племонс и се преправаше дека не ја познава Кирстен додека таа мораше да застане до нив двајца, а тоа на крајот беше еден од најконтроверзните моменти во ноќта.

„Велиме дека сме во брак затоа што се чувствувам како да сме во брак“, изјави Племонс минатата година.

Актерот на почетокот на годината изјави дека глобалната пандемија и нивните две мали деца го отежнуваат планирањето на венчавката, а сега, седум месеци подоцна, конечно застанаа пред олтарот.