Актерката Алиса Милано уапсена: Протестирала пред Белата куќа
Полицијата во Вашингтон ја уапси актерката Алиса Милано додека со група истомисленици протестираше пред Белата куќа, барајќи промени во правото на глас.
„Само што ме уапсија додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете покрај мене и кажете им на Сенатот и на Белата куќа гласно дека сите мора да ги имаат тие права, без разлика каде живеат“, напиша актерката на својот инстаграм-профил.
View this post on Instagram
Полицијата прво ја предупредила актерката дека заедно со членовите на здружението „People for the American Way“ мора да се тргне од областа, во спротивно ќе мора да ги уапси според законот кој забранува собирање толпи и окупирање на улицата и тротоарите.
NOW: People For Board Member @alyssa_milano explains why she's risking arrest today in the fight for voting rights. The protest is starting how – tune in to help us tell President Biden: no more excuses. #VotingRIghtsNOW! https://t.co/NX8G31ldCN pic.twitter.com/PBOQsZ5iOE
— People For the American Way (@peoplefor) October 19, 2021
Инаку, актерката пред протестот најави дека може да биде уапсена.
„Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на „Твитер“. „Затоа ќе барам нашиот претседател да направи се што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.