Актерот Д’Фараон Вун-А-Таи (22) привлече внимание на доделувањето на наградите Еми. Ѕвездата на „Reservation Dogs“, беше номиниран за најдобар главен актер во хумористична серија, а своето појавување го искористи за да испрати силна порака.

Имено, Вун-А-Таи е фотографиран во целосно црн костум со црвен отпечаток од дланка на устата. Според веб-страницата „Native Hope“, симболичниот отпечаток од дланка преку устата претставува порака за солидарност за исчезнатите и убиените домородни жени. Веб-страницата на непрофитната организација објаснува дека насликаната рака „ги означува сите исчезнати сестри чии гласови не се слушаат, молкот на медиумите и органите на редот“.

На овогодинешната церемонија, Вун-А-Таи беше номиниран за својата прва Еми награда за портретирањето на Beara Smallhilla во „Reservation Dogs“, но наградата му припадна на Џереми Ален Вајт за неговата улога во „The Bear“. Сепак, Вун-А-Таи влезе во историјата како првиот домороден актер кој бил номиниран во која било категорија за главна улога.

„Reservation Dogs“ ја следи приказната за домородните тинејџери во Оклахома кои сакаат да се пробијат до Калифорнија и да одлучат дека ќе направат сѐ за да добијат пари, дури и ако треба да ги украдат.