САД, Иран и група регионални медијатори разговараат за условите за потенцијален 45-дневен прекин на огнот што би можел да доведе до траен крај на војната, објави „Аксиос“, повикувајќи се на четири американски, израелски и регионални извори запознаени со разговорите.

Ројтерс не можеше да го потврди извештајот, бидејќи Белата куќа и Стејт департментот на САД не одговорија веднаш на барањата за коментар околу овие наоди.

Договор во две фази

Според „Аксиос“, медијаторите разговараат за условите на договор во две фази, при што првата фаза потенцијално би била 45-дневен прекин на огнот во текот на кој би се преговарало за траен крај на војната. Втората фаза би била договор за прекин на војната.

Трамп им се закани на Иранците ако не го отворат Ормускиот Теснец — ги навреди, а потоа рече: Слава му на Алах“

Прекинот на огнот би можел да се продолжи доколку е потребно дополнително време за разговори. Американскиот претседател Доналд Трамп вчера за „Волстрит журнал“ изјави дека вторник до вечерните часови е новиот рок за Иран да го отвори Ормускиот Теснец или да се соочи со напади врз критичната инфраструктура.

„Ако не направат нешто до вторник вечерта, нема да имаат повеќе електрани и нема да имаат повеќе мостови“, изјави Трамп за „Журнал“.