Фудбалскиот прволигашки клуб Академија Пандев има нови големи амбиции со цел во иднина да оствари уште поголеми успеси.

Струмичани велат дека е потребно е да се биде отворен за соработки и подготвени да му се спротивставите на конвенционалното.

Го најавија новото големо партнетство со италијанскиот фудбалски клуб Брера од Милано. Во продолжение целото соопштение на ФК Академија Пандев за јавноста:

– Нови почетоци за нови успеси. Да се биде најдобар, меѓу другото, подразбира и да се биде иновативен, отворен за соработки и подготвен да му се спротивставиш на конвенционалното. На огромно задоволство би сакале да ви го најавиме нашето ново големо партнерство со италијанскиот фудбалски клуб Брера од Милано – почеток на една нова ера во фудбалот преку иновативен и современ пристап кон фудбалското работење и една сосема поинаква и возбудлива приказна – информираат од ФК Академија Пандев.

Во новата сезона од шампионатот моментно „пандевци“ се на седмата позиција со седум бодови, 14 помалку од водечката екипа на Струга Трим Љум.