Серхио Агуеро ќе се врати на фудбалот по проблемите кои ги имаше со срцето во 2021 година поради кои мораше да се пензионира.

Аргентинецот ќе истрча на терените по пауза од нешто повеќе од една година. Сега Агуеро потпиша договор со тимот на Барселона од Гвајакил (Еквадор). Во прашање е договор на еден месец со цел тој да одигра пријателски натпревар.

„Со нетрпение чекам повторно да заиграм фудбал. Добивам совети од кардиолог кои ги следам, добро се чувствувам и почнав со полесни тренинзи, среќен сум што ќе можам да заиграм за црвено-жолтите. Во мене имам вградено чип кој ќе ја контролира работата на срцето“, изјави Агуеро.

Во овој момент не е познато кој ќе биде противникот на тимот на Агуеро. Треба да се спомене дека станува збор веќе за традиција во која секоја година за овој тим по една фудбалска легенда игра ревијален натпревар.

Los espero amigos este próximo 28/01 en la gran #NocheAmarilla2023 de @barcelonaSc pic.twitter.com/Ws7iBKTlGd

— Sergio Kun Aguero (@aguerosergiokun) January 9, 2023