Во Србија коси свинска чума. Министерството за земјоделство, шумарство и водостопанство соошшти дека свинската чума е потврдена на 1.154 фарми во 32 општини, инфомира МИА.

Од Министерството за РТС  велат  дека од 28 јули до денеска, африканска свинска чума се појавила на околу 150 фарми и дека вакви случаи има и се потврдени во Војводина, Белград, централна и источна Србија. Досега на фармите се извршени 314.042 контроли, а до петокот еутаназирани се околу 18.000 свињи.

Африканската свинска чума се појави во мај во Мрчаевци, во околината на Чачак, а веќе подолго време е присутна во делови од источна и југоисточна Србија, јави Бета.

Станува збор за инфекција што ги погодува домашните и дивите свињи. Вирусот не е опасен по здравјето на луѓето, но влијае врз економијата на земјите каде владее.