Афера Карлос Гон: Рашида Дати, поранешната француска министерка ставен под статус на помаган сведок
Повикана да се појави пред истражните судски органи за подигнување обвинение за „пасивна корупција”, „употреба на пасивно влијание” и „прикривање злоупотреба на моќ” во аферата Карлос Гон, поранешниот министер за правда на Никола Саркози, Рашида Дати, беше ставена под статус на помаган сведок, јави дописникот на МИА.
-Рашида Дати беше ставена под статус на помаган сведок затоа што им докажа на истражните судии дека работела како адвокат помеѓу 2009 и 2012 година за алијансата Рено-Нисан, изјави Оливие Пардо, еден од неговите адвокати.
Тројца истражни судии се задолжени од летото 2019 година за истрагата за склучените договори од холандската подружница на алијансата Рено-Нисан, РНБВ, со сегашниот градоначалник на 7-миот арондисман во Париз и криминологот Алан Бауер, кога Карлос Гон сè уште беше извршен директор на автомобилската групација.
Според извор запознаен со предметот и пренесен од француските медиуми, Дати, кој негира каква било нерегуларност, добила 900.000 евра хонорари како адвокат во периодот од 2010 до 2012 година. Алан Бауер добил еден милион евра помеѓу 2012 и 2016 година за активности како консултант. Прелиминарната истрага беше отворена во оваа афера од страна на јавното финансиско обвинение, по жалбата поднесена на 17 април 2019 година од акционер на Рено. Оваа жалба беше насочена кон Рашида Дати, Алан Бауер, но и Карлос Гон и неговата сопруга.
Адвокатот на тужителот, Жан-Пол Бадуел, тогаш објави „сомневања” за „несовесно користење на средствата на Рено” од страна на неговиот поранешен извршен директор.
-Договорите се сомнителни во однос на нивните износи, направени во корист на подружница без вработен, увери тој.
Извор.МИА