Во кривичниот суд Струга денеска повторно се одложи судскиот процес кој се води против гинеколозите Мухамед Асани, Блертон Асани и Лилјана Јованоска а во врска со извадените органи на Јалдз Веапоска која при царски рез остана без матка, јајник и бубрег.

Судијата го казнил адвокатот на првообвинетиот гинеколог Мухамед Асани, со 1000 евра глоба и го отстрани од адвокат во предметот. На Мухамед Асани ќе му биде назначен адвокат по службена должност. Следното рочиште е закажано за в среда во 12 часот.

– Денеска се одложи рочиштето поради недоаѓање на адвокатот на Асани. Дали е ова нормално? Дали има човечност да се одлага и да не доаѓа адвокатот? Најавувам протести, ако до крајот на месецот судењето не заврши. Како што дојдов денеска со многу луѓе од Дебар, така најавувам поголеми протести пред судовите во Дебар, Струга и Скопје и сите судови ќе се блокираат за јас да ја добијам правдата, изјави за „Слободен печат“ Јалдз Веапоска.

Денеска во судница дошле и медицински вештаци кои го изготвија супервештачењето за нејзиниот случај, но не можеа да бидат испитани бидејќи првообвинетиот Мухамед Асани дојде а неговиот адвокат не.