Адвокатот Блерим Османи е на чело на советничката листа на ДУИ во Тетово

Демократската унија за интеграција ја објави советничката листа со која партијата ќе настапи на локалните избори во Тетово.

Листата ја предводи адвокатот Блерим Османи, а веднаш по него се Лиридон Диша и Наиле Дурмиши.

На претстојните избори, тетовската градоначалничка Теута Арифи ќе се бори за трет мандат на функцијата. ДУИ имаше мнозинство во досегашниот состав на општинскиот совет.

Локалните избори се закажани за 17 октомври, а предизборната кампања официјално почнува утре (17 септември).