Во третиот решавачки натпревар од четвртфиналниот плејоф во АБА 2 лигата кошаркарите на ТФТ Скопје денеска со конечен резултат 90:80 славеше против Златибор од Србија.

Во победничките редови Ентони Говенс запиша 23 поени, следен од Георги Зафиров со 14, по 13 имаа Виктор Ташовски и Михаил Стојанов, а 12 запиша Стенли Дејвис.

На спротивната страна доминираше Матеј Чибеј со 16 поени, еден помалку забележа Хантер Витфилд, вкупно 12 додаде Стефан Савиќ, а по коша постигнаа Немања Протиќ и Иван Смилјаниќ.

Противник на македонскиот претставник во полуфиналето од клупското натпреварување ќе биде црногорската екипа на Сутјеска.

Во втората полуфинална серија се среќаваат Широки Бријег од Босна и Херцеговина и Хелиос Домжале од Словенија.