Ја загуби битката со ракот — почина Џил Смоклер, основачка на најпознатиот портал за родители
Џил Рене Смоклер, авторката на бестселери на „Њујорк тајмс“ и претприемачка, која ја основа „Scary Mommy“ и изгради една од најголемите и најискрени заедници за мајки во светот, почина вчера во својот дом во Балтимор по повеќе од двегодишна борба со глиобластом, агресивен рак на мозокот. Смоклер имала 48 години.
Препорачано
View this post on Instagram
Смоклер создаде место каде што мајките можеа отворено да зборуваат за сите предизвици на родителството – тешките, смешните и секојдневните.
„Еве го. Прв ден.“ Тоа беа првите четири збора што Џил Смоклер ги објави на „Scary Mommy“ на 21 март 2008 година.
Во тоа време, таа не можеше ни да замисли дека овој мал интернетски проект еден ден ќе стане заедница што ќе обедини милиони мајки од целиот свет.
Кога го покреанала „Scary Mommy“, таа била мајка на три деца која ги оставала дома и за родителството пишувала на начин каков што ретко се гледал во тоа време – сосема искрено. Во време кога „мајчинските блогови“ штотуку почнувале да добиваат на популарност, без разубавување зборувала и за поубавата и за потешката страна на родителството. Токму затоа нејзините приказни допреа толку многу жени кои се препознале во нив.
View this post on Instagram
Место на кое мајките не беа сами
Пред „Scary Mommy“, многу жени ги поминувале сами предизвиците на мајчинството, често чувствувајќи се несигурно, исцрпено или фрустрирано. Џил создала простор каде што можело да се зборува за тоа без срам или преправање.
На порталот што го основала, хуморот, самоиронијата и искреноста станаа заштитен знак. Мајките таму пронајдоа заедница која ги разбира и ги потсетува дека не се сами.
„Целиот свој живот, Џил ја зборуваше вистината за мајчинството – дека може да биде убаво и неверојатно тешко во исто време. Таа им даде на милиони жени слобода да престанат да се преправаат дека се совршени и да се чувствуваат помалку сами“, рекло нејзиното семејство.
„Таа беше забавна, храбра, великодушна и секогаш своја. Повеќе од сè, беше горда на своите три деца – Лили, Бен и Иван. Скршени сме поради нејзиното заминување, но и неизмерно горди на трагата што ја остави.“
Наследство што останува
Покрај основањето на „Scary Mommy“, Џил беше авторка на бестселери на „Њујорк тајмс“ и честа гостинка во „Добро утро Америка“ и „Денес“.
Речиси две децении по покренувањето на порталот, заедницата што ја создаде и понатаму расте. Многу жени токму благодарение на нејзе првпат почувствуваа дека е во ред да се признае дека родителството понекогаш е тешко, напорно и хаотично.
Наместо цвеќе, семејството замоли донациите во нејзина спомен да се уплатат на организацијата „Мрежата за тумор на мозок“ (The Brain Tumor Network).
Позната инфлуенсерка почина на 14 години, инспирираше милиони споделувајќи ја својата борба со ракот
