95-годишната актерка Џина Лолобриџида хоспитализирана поради повреда
Италијанската актерка Џина Лолобриџида е итно хоспитализирана поради фрактура на бутната коска, добиена како резултат на пад во нејзиниот дом во Рим, објавија локалните медиуми, повикувајќи се на адвокатот на филмската дива, Антонио Ингро.
Во моментов состојбата на филмската ѕвезда, која во јули наполни 95 години, не предизвикува сериозна загриженост. Најверојатно актерката ќе биде подложена на оперативен зафат, согласно сериозноста на повредата.
Во август, Лолобриџида се кандидираше за сенатор на претстојните национални избори на крајот на септември. Таа беше номинирана од предизборната листа „Суверена и народна Италија“, која ја поддржуваат Комунистичката партија, Социјалистичката партија, движењето „Граѓанска акција“, „Сè уште е Италија“ и „Да се врати Италија“.
Лолобриџида, која ја напушти седмата уметност пред околу 30 години, учествуваше во 1999 годинa, на изборите за Европскиот парламент, но не беше избрана, бидејќи имаше едвај 10.000 гласови.
Џина Лолобриџида ќе се кандидира за сенатор во италијанскиот парламент