Зимските Олимписки игри кои се одржаа во Италија во Милано и Кортина се првите по цели 28 години на кои досега не е забележан ниту еден позитивен допинг тест.

Во текот на Олимпијадата, која се одржа од 6 до 22 февруари, биле анализирани повеќе од 3.000 примероци земени од околу 2.000 спортисти, а досегашните резултати не покажале ниту едно прекршување на антидопинг правилата.

Ова е прв ваков случај уште од Зимските олимписки игри во Јапонија во 1998 година, кога исто така немаше позитивни допинг тестови во текот на самите натпревари. Сепак, експертите предупредуваат дека ваквиот исход не значи дека нема да се појават прекршоци во иднина.

Имено, примероците се чуваат до 10 години, што овозможува повторни анализи со понапредни технологии доколку тие станат достапни. Токму затоа, сè уште е рано овие Игри да се прогласат за најчисти во историјата.