Жителите на Донбас изјавија дека ситуацијата во тој украински регион е „застрашувачка“ по руската воена инвазија на Украина.

Аркадиј, жител на Краматорск, рече дека се надева оти ситуацијата наскоро ќе се подобри.

Иако слушал повремени експлозии, тој рекол дека оди на работа.

Пред банкоматот се луѓе кои чекаат во редици за да подигнат пари, додека звуците на борбените авиони одекнуваат на небото.

Во меѓувреме, украинските власти ги повикаа граѓаните да останат дома и да не паничат.

Министерството за внатрешни работи на Украина соопшти дека „руската инвазија“ започнала со ракетни напади врз главниот град Киев.

Украинскиот претседател Володимир Зеленски рано утринава прогласи вонредна состојба во земјата.

Рускиот претседател Владимир Путин објави дека наредил специјална воена операција во регионот на Донбас по неколкунеделното акумулирање на војници на украинските граници.

ВО ЖИВО | Украина под напад од Русија