Фудбалерките на ЖФК Љуботен одлично го започнаа настапот на квалификацискиот турнир за Лигата на шампионите, совладувајќи го Рунавик од Фарските Острови со убедливи 4-1 на терените на Фудбалската федерација на Македонија во Лисиче.

Иако тимот од Фарските Острови го отвори натпреварот со рана предност по само 12 минути, тоа само дополнително ги мотивираше шампионките на Македонија, кои жестоко возвратија и до крајот на првото полувреме направија целосен пресврт со три погодоци. Прецизни беа Марковска, Мустафа и Максути.

Во вториот дел, Љуботен ја запечати победата со уште еден гол, дело на Охадиве, за сигурна победа и најавен атак на следната рунда.

Во финалето на мини-турнирот, Љуботен ќе се соочи со ерменски Пјуник, кој денес минимално ја совлада екипата на Софија со 1-0. Победникот од овој дуел ќе обезбеди пласман во наредната фаза од квалификациите.