Жената која го држи рекордот за најголеми стапала на светот ги откри уникатните предизвици со кои се соочува во секојдневниот живот.

Тања Херберт (39) од Хјустон е горда сопственичка на Гинисовиот рекорд кој е запишан во 2022 година, поради нејзините стапала кои се долги речиси 33 сантиметри, пишува „Сан“.

Тања отсекогаш била значително повисока од своите врсници, а нејзините стапала достигнале рекордна големина во текот на средното училиште.

„Имам високи родители, па немав избор“, рекла таа со насмевка.

Таа додава дека никогаш не ѝ недостигала самодоверба и дека немала проблем на училиште поради висината.

„Никој не ме малтретираше, а пријателите се грижеа за мене“, објаснила таа.

Но, поради уникатните стапала се соочува и со уникатни предизвици. Тања има голем проблем да купи соодветни чевли, а со години носела машки чевли.

„Најмногу носев патики и машки мокасини“, открила таа.

Откако се поврзала со други жени кои имаат слични проблеми, почнала сама да прави чевли.

„Ќе ги купев најголемите чевли, а потоа ги правев подолги и пошироки“, рекла Тања.

Нејзиното присуство на социјалните мрежи, од друга страна, ги привлекува мажите кои имаат разни фетиши на стапала, па добива голем број бизарни пораки.

„Многумина пишуваа морничави работи, а некои бараа да им продадам слики од стапала“, посочува Тања.

Таа вели дека не користи социјални мрежи за да ја стекне наклонетоста на машкиот пол.

„Да речеме дека 5 отсто од мажите кои ме следат испраќаат чудни и интересни барања, меѓу кои и дали ќе им продадам слики од моите стапала. Но, тоа не ме интересира и не ме мачи“, заклучила таа.

I have the world’s biggest FEET at size 18 – it is impossible to find shoes https://t.co/IE71Y6PU08 https://t.co/r23WmAe3T2

— The Irish Sun (@IrishSunOnline) April 5, 2024