Полицијата на Сплитско-далматинската жупанија уапси 43-годишна жена под сомнение дека сторила кривично дело „ропство“, јавува Н1 телевизија.

Таа е осомничена за злоупотреба на 67-годишен човек, кого, искористувајќи ја неговата деменција, го држела во услови што укажуваат на долготрајно занемарување и исцрпеност.

Сè започнало на 3 јули, кога полицијата, врз основа на пријава за запуштање на постаро лице, дошла во станот во Сплит.

На повик на сосетка која слушнала повици за помош од станот, полицајците и пожарникарите влегле и ја пронашле жртвата во тешка состојба, по што веднаш ѝ укажале медицинска помош.

Кривичната истрага открила дека осомничената, злоупотребувајќи ја ранливоста на постариот маж, ги ограничила основните услови за живот како што се храна, вода и лекови, а во исто време му ја одзела слободата на движење и контактот со надворешниот свет. Таа, исто така, имала целосна контрола врз неговите приходи, со што остварила несоодветна материјална корист.