Слуга на народот, партијата на украинскиот претседател Владимир Зеленски денеска изгласа смена на претседателот на Парламентот, Дмитри Разумков по судирот за законот за влијание на олигарсите, пренесува Киев Пост.

Во Врховната рада денеска е изгласано отповикување на Разумков, а во четврток е предвидено да се гласа за негово разрешување.

Разумков беше член на изборниот тим на Зеленски во 2019 година. Но, Разумков се спротивстави на брзото донесување на закон, со кој би се ограничило влијанието на олигарсите врз политиката и бизнисот, како и дополнително испитување на официјални лица и политичари кои соработуваат со олигарсите.

Според украинската опозиција, законот инициран од Зеленски и понатаму му дава преголеми овластувања на претседателот и создава повеќе можности за корупција.

Разумков бараше законот да се проследи до Венецијанската комисија, каде законот е усвоен минатиот месец. Лидерот на партијата Слуга на народот, Олександр Корнијенко го обвини Разумков за незаконска блокада на дневниот ред на Парламентот.

Опозицијата побара од партијата Слуга на народот да го разреши Разумков од функцијата претседател на Парламентот поради уништена демократија.