Зејтинот во Германија на црно чини 50 евра, а се продаваат и отворени шишиња
Украинската криза предизвика невиден недостиг на сончогледово масло. Засега најкритично е во Германија, каде што расте и продажбата на црниот пазар, па литар чини и до 50 евра. Се нудат и отворени шишиња, односно се продаваат 300 милилитри масло за неверојатни 15 евра.
Во исто време, неколку синџири на супермаркети веќе ја ограничија продажбата на две или четири шишиња по клиент. Без разлика на ограничувањата, проблемот е што сега нема масло на полиците.
Руската агресија врз Украина предизвика сериозен дефицит на нафта на светскиот пазар, бидејќи е прекината преработката на семки од сончоглед, како и извозот, што влијае на обемот на испораките. Украина со 51 отсто и Русија со 27 отсто се најважните извозници на сончогледово масло во светот.
Во повеќе земји во ЕУ, а особено во Шпанија, полиците на супермаркетите се празни. Покрај масло, недостига и брашно. Исто така, поради прекинот на испораките на жито од Украина, се очекува во следните месеци да има недостиг и на сточна храна.