Заврши големата меѓународна вeжба „Северна Македонија 2021“ во организација на НАТО
Денеска заврши НАТО вежбата која беше организирана од страна на НАТО Евроатлантскиот центар за координација на одговор при катастрофи (EADRCC) на подрачјето на Охрид и Струга.
Припадниците на ДЗС успешно ги завршија сите вежби согласно сценариото при што реализираа различни активности во повеќе области како елементарна природна непогода, пребарување и спасување, планинска потрага и спасување, одговор на поплави, спасување од вода, урнатинии и други заеднички координирани активности со над над 700 луѓе од 27 земји, што претставува одлична основа за развивање капацитети и способности за градење регионален пристап и стратегии со цел соодветно преземање конкретни мерки на дејствување.
На сите припадници од ДЗС на затворањето на церемонијата од страна на организаторите им беа врачени Сертификати за учество на вежбата.
Директорот на Центарот за управување со кризи, Стојанче Ангелов, заедно со директорите на вежбата од НАТО страна, Вим Ванхеим, а од земјата домаќин, д-р Урим Вејсели, одржаа кратки поздравни говори и ги доделија сертификатите на земјите учеснички.