Не ја прифаќаме идејата за мерката за плата од 14.500 денари за административните работници. Во оваа бројка се голем број на вработени, тука се шумската и затворската полиција како и железничарите. Крајно сме огорчени од олигарсите. Каде се сега кога треба да се помогне, изјави денеска Марјан Ристовски од Конфедерацијата на синдикалните организации на Македонија.

– Што прават тие луѓе со своите милиони? Кај им е сега нивниот патриотизам – праша Ристовски.

Тој рече дека намалувањето на плататите на 14.500 денари многу ќе се одрази врз грбот на работниците и најави дека членовите на овој Синдикат се спремни да запрат со работа доколку се спроведе идејата за исплата на плата од околу 250 евра.

Горан Ристески, претседател на гранковиот Синдикат на затворската полиција рече дека тие веќе барале средбата со ресорната министерка за правда Рената Дескоска.

– Доколку не бидат прифатени нашите барања ние од петок сме подготвени да протестираме – рече Ристески.