Ниту 250 одбивања не ја спречиле Моника Ли Вајт, да го развие својот бизнис на „Ербиенби“ и да заработи неверојатно сума пари, иако таа не поседува ниту еден  од имотите што ги издава на платформата, пишува „Бизнис инсајдер“.

Таа работи како управител на имот и нуди станови и куќи, кои всушност не се нејзини, на луѓе кои имаат потреба од краткорочен престој.

Моника работела како стјуардеса за време на пандемијата, но имала потреба од друг извор на приходи.

„Беше ужасно време за работа, а многу луѓе во мојата индустрија беа изложени на вирусот“, рекла Моника.

„Луѓето кога ќе помислат на „Ербиенби“, помислуваат на личност која го издава својот дом“, нагласува Моника.

Но, таа се решила за поинаков бизнис план. Наместо тоа, почнала да издавa туѓи домови за краткорочен престој. Ова се нарекува посредување во изнајмувањето. Исто како секој сопственик на имот понуден на платформата, таа се занимава со услуги кон клиентите, огласување, одржување и чистење. Но, почетокот не ѝ бил лесен.

„За да најдам имот, го пребарував „Зилоу“ („Zillow“), една од најголемите веб-страници за купување и изнајмување недвижности во САД и ги барав околните имоти, а потоа контактирав со издавачите, надевајќи се дека некој ќе каже, да“, рекла таа.

Моника контактирала со преку 250 издавачи на имот, но сите ја одбиле.

„За малку ќе се откажев. Но, бев решена да го направам тоа да функционира и по многу повици, конечно добив сопственик во Атланта, кој се согласи“, вели Моника.

Едниот имот, за кратко време пораснал на пет, и ѝ донеле огромен успех.

„Со пет имоти за изнајмување, заработив 136.000 долари (околу 125.000 евра) во 2022 година. Се чувствував финансиски слободна и конечно можев да размислувам за патувања“, додала таа.

Денеска Моника управува со 10 имоти. Таа вели дека процесот на издавање туѓи домови не е лесен, но со правилен начин на размислување многу луѓе можат да го направат тоа. Но, за да започнете со овој бизнис ќе ви треба значителна инвестиција.

Во продолжение погледнете го видеото со Моника:

@msmonicalee Comment “MENTORSHIP” to get the info to become a student! #airbnbbusiness #howtostartanairbnb #airbnbwithoutowning #businessideas #sidehustleideas ♬ original sound – Ms Monica Lee