Градоначалникот на Град Скопје, Орце Ѓорѓиевски, денеска заедно со заменик-градоначалникот на Општина Карпош Неделчо Крстевски, направија увид на почетокот на реконструкцијата на улицата „Загребска“, која води кон Институтот за респираторни заболувања кај децата – Козле.

„Станува збор за улица која со години беше во исклучително лоша состојба и чија реконструкција одамна беше неопходна. Денес конечно започнуваме со решавање на овој реален проблем“, истакна Ѓорѓиевски.

Како што објави градоначалникот, со проектот е предвидена целосна санација на коловозот и изградба на потпорен ѕид долг околу 50 метри и висок четири метри, со цел да се зголеми безбедноста и стабилноста на теренот.