Општините Кисела Вода и Сопиште со заеднички сили, со механизација и екипи од двете локални администрации денеска го чистат и уредуваат просторот кај Теферич.

Во акцијата, како што информираат,  се вклучени 40 работници, ангажирани се багери и камиони со кои се  отстрануваат  депониите со шут и отпад, додека екипите со тримери ги уредуваат обраснатите јавни површини.

Ова е дел од пошироката генерална акција која веќе една недела ја спроведуваме во соработка со ЈП „Комунална хигиена“ низ населбите и населените места во општина Кисела Вода. Преку ваквите акции се стремиме да ја подобриме хигиената и да ја уредиме животната средина во која сите живееме. Продолжуваме со работа на терен, во интерес на граѓаните на Кисела Вода – вели градоначалничката на Општина Кисела Вода, Бети Стаменкоска Трајкоска.

Првиот човек на Општина Сопиште, Јане Мицсвски посочува дека патот кон Теферич е еден од главните влезови во оваа општина, па затоа неговата чистота и уреденост се од особено значење, зашто тоа е првата слика за Сопиште што ја гледа секој што доаѓа во општината.