Вицепремиерот на Италија, Матео Салвини, направи прецизна споредба меѓу Адолф Хитлер и Наполеон Бонапарта и современите европски лидери, изјави портпаролката на руското Министерство за надворешни работи, Марија Захарова, на својот Телеграм канал, пренесе „Ansa.it“.

Италијанскиот политичар истакнал дека германскиот канцелар Фридрих Мерц и францускиот претседател Емануел Макрон ќе бидат подеднакво неуспешни во „доведувањето на Москва на колена“, како и нивните претходници.

„Споредбата е точна, заклучокот е неспорен“, напиша Марија Захарова.

Салвини претходно изјави дека 19-те пакети антируски санкции ја ослабнале европската економија, а не Русија.

Тој тврдеше дека ограничувањата „ги довеле земјите на ЕУ на колена“. Изрази сомнеж дека високата претставничка на ЕУ за надворешна политика Каја Калас, британскиот премиер Кир Стармер, Мерц и Макрон можат да ѝ нанесат сериозна штета на Русија – нешто што, според него, Хитлер и Наполеон не успеале да го направат.

Претходно, еврокомесарот за енергетика Дан Јергенсен најави дека Европската комисија планира на почетокот на 2026 година да поднесе предлог за забрана земјите од ЕУ да купуваат руска нафта.

Оваа мерка ќе се применува на снабдувањето со енергија преку цевководи.

Салвини: Ако Хитлер и Наполеон не можеа да се справат со Москва, ќе можат ли Калас, Макрон и Стармер?