Заедничко судење на четворица поранешни водачи на ОВК
Специјализираниот совет на Косово во одговор на приштинската телевизија Т7 рече дека на четворицата обвинети поранешни водачи на ОВК ќе им се суди на заедничко судење во Хаг.
Поранешните водачи на ОВК, Хашим Тачи, Кадри Весељи, Реџеп Селими и Јакуп Красниќи, кои беа обвинети пред Специјалниот суд за воени злосторства и злосторства против човештвото, се во притвор во Хаг.
Обвинението против нив беше потврдено на 26 октомври 2020 година и објавено на 5 ноември.
Во случајот на Специјалниот обвинител против Тачи и другите, судијата на претходна постапка се уште нема одлучено кога случајот ќе биде упатен до Судскиот совет. Случајот во моментов е во фаза на претходна постапка.
Во текот на оваа фаза, судијата на претходна постапка одржува рочишта, по потреба, за да ги подготви постапките.
Датумот на пренесување на списите на предметот до Судскиот совет и датумот на започнување на судењето не се утврдени.
Судењето ќе биде заедничко, според Специјализираниот совет на Косово.