Забрчанец: Нема друга политика во С. Македонија за која има повеќе поддршка од „Отворен Балкан“
„Досега се објавени четири анкети од релевантни институти, каде што се покажува дека граѓаните со 70 отсто ја поддржуваат иницијативата Отворен Балкан. Имаме речиси национален консензус и нема друга политика во Северна Македонија која има поголема поддршка од Отворен Балкан“ вели Марјан Забрчанец, национален координатор за Отворен Балкан во Владата на Северна Македонија
Тој зборуваше на конференцијата „Регионални иницијативи на Западен Балкан – шанси и заблуди“ организирана од Центарот за граѓанско образование од Подгорица, Црна Гора.
Тој додаде дека „иницијативата веќе ги дава првите резултати – заемната поддршка и помош во справувањето со природните катастрофи, како и во поедноставувањето на постапките за извоз и увоз на храна и други производи“.
Освен тоа, како еден од позитивните резултати на Отворен Балкан, Забрчанец ја наведе одлуката на Владата на Србија „да дозволи извоз на течен гас за болниците и училишта во Северна Македонија“.