Поради обилни снежни врнежи, од 09:25 часот на патниот правец Тетово – Попова Шапка е воведена забрана за сообраќај на автобуси, додека за лесните моторни возила задолжителна е употреба на зимска опрема, односно синџири, информира Авто мото сојузот на Македонија (АМСМ).

Претходно, АМСМ соопшти дека утринава во 05:15 часот е воведена забрана за движење на товарни возила на патот Струга – граничен премин „Ќафасан“. Сообраќајот на државните патишта се одвива во зимски услови, по влажни коловози.

Снежни врнежи со променлив интензитет се евидентирани во Куманово, Страцин, Крушево и Железнец, како и на планинските превои Стража, Буково, Ѓавато и Пресека.

Дополнително, од 10:00 часот на граничниот премин „Меџитлија“ ќе биде воведена забрана за сообраќај на товарни возила во наредните 48 часа, односно до 10 јануари во 10:00 часот. Сообраќајот за патничките моторни возила ќе се одвива без ограничувања.