Израел вели дека форензичките останки предадени вчера од Хамас не се поврзани со ниту еден од двајцата преостанати заложници во Појасот Газа, објави Тајмс оф Израел.

Според Кабинетот на премиерот, тестовите биле завршени од страна на форензичкиот институт „Абу Кабир“ во Тел Авив, а семејствата на двајцата преостанати заложници – Израелецот Ран Гвили и тајландскиот државјанин Судтисак Ринталак – биле информирани за ажурирањето.

„Напорите да се вратат дома нема да престанат сè додека не заврши мисијата – да се вратат за соодветен погреб во нивната земја“, додава премиерот.

Висок функционер на Црвениот крст вчера за „Тајмс оф Израел“ изјави дека наодите што им ги предал на Израелските одбранбени сили од Хамас вклучуваат „мали останки, парчиња“ од тело.