Вучиќ се извини за заканата на министерот Братина: Никој нема да убива студенти
Српскиот претседател Александар Вучиќ изјави дека изјавата на министерот Борис Братина дека студентите „не се свесни дека полицијата има право да ги тепа и убива“ е непростливо лоша и дека „таква изјава не смее да постои, без разлика дали е извадена од контекст или не“.
Српскиот претседател Александар Вучиќ им се извини на сите студенти и граѓани на Србија за изјавата на министерот за информации и телекомуникации Борис Братина дека студентите „не се свесни дека полицијата таму има право да ги тепа и убива“, објави „Н1“.
Препорачано
Вучиќ им изјави на новинарите во Претседателството дека тоа е „непростливо лоша изјава на министерот, без разлика дали е извадена од контекст или не“.
– Таква изјава не смее да постои, без разлика дали е извадена од контекст или не, зашто ние 15 месеци издржавме до убиството на Милица Живковиќ, за кое е јасно дека не се одговорни државните органи или политичките противници на блокадерите, издржавме да нема ниедна жртва, да немаме ниеден трагичен настан – наведе Вучиќ.
Тој наведе дека во земја во која тој е претседател „никој нема да убива студенти“.
– И оние кои дури неретко само одговараа на нивните напади, платија висока цена, и со затворски казни и финансиски – рече Вучиќ.
Тој наведе дека ќе го заштити животот на секој човек во Србија, повторувајќи дека никој нема право да ги убива студентите.
– Полицијата нема да ги убива. Полицијата таму отиде да истражи убиство. Дали е убиство или самоубиство, прерано е да носиме заклучоци – рече Вучиќ и додаде дека треба да им се остави на надлежните органи да донесат одлука.
Како Вучиќ знае детали за смртта на студентката во Белград и дали смее да ги знае?
