Српскиот претседател Александар Вучиќ вечерва ги објави првите прелиминарни резултати од денешните локални избори и прогласи победа во сите 10 општини. Според него, најнеизвесно било во Бор, а во Кладово СНС  забележала најубедливата победа, додека во Кула, како што рече,  СНС имала 513 гласови повеќе од „блокаторите“.

Денес едвај избегавме од големо зло. Некои луѓе ги извадија пиштолите, провалија во кол-центри. Основата на секоја демократска акција во секоја цивилизирана земја е да ги поканите своите поддржувачи, рече тој на почетокот на своето обраќање.

Потоа почна да ги чита резултатите.

Во Аранѓеловац, според тие резултати, листата предводена од неговата партија освоила речиси 53 проценти, додека студентската партија освоила 44 проценти.

Тензичен изборен ден во Србија, забележени бројни инциденти, тепачки и нерегуларности

Според Вучиќ, тој победил и во Бајина Башта со 53,49 проценти, додека коалицијата Обединети за Бајина Башта добила 41,35 проценти.

Ова не се конечни резултати, туку како да се, бидејќи е невозможно да се донесе промена. Во 90 проценти од обработените места во Аранѓеловац, од важечките гласови, СНС има 52,96 проценти. Студенти 44, 9, Руси 1,09. СНС има предност од 1.700 гласови, рече Вучиќ.