Запрашан за генералниот штрајк што се организира денеска, српскиот претседател праша: „Каков генерален штрајк?“

„Утрово ми требаше време да стигнам на работа исто колку што ми треба да стигнам до Нови Сад, имаше голема гужва. Значи, се работи, се работи“, посочи Вучиќ.

Тој исто така изјави дека денес има околу 76 училишта помалку во целосен прекин на работата отколку што беше случајот на, на пример, 24 јануари.

„На луѓето им е преку глава од повеќе застанување, повеќе неактивност. Луѓето сакаат да работат. Нишалото на гневот се заниша, а тоа не можете да им го објасните на некои луѓе и затоа мора да ги радикализираат работите бидејќи веќе се виделе како сместени во фотелји каде што можат да ограбуваат, зборувам за политичарите“, посочи Вучиќ.

Одговарајќи на прашање за барањата на студентите кои сакаат да ги продолжат студиите, тој рече дека му треба повеќе време.

„Не се согласувам со едно барање, но за тоа ќе треба да разговараме следната недела“, изјави Вучиќ.