Србија ќе гради нови гасоводи, а важно е тие да стигнат до Врање и Прешево, Тутин-Александровац, Пријепоље и Прибој, како и до Нова Варош, Чајетина, Ваљево и Лозница, изјави српскиот претседател Александар Вучиќ.

Вучиќ на годишната конференција ги презентираше проектите за нови гасоводи во Србија, а посочи и дека ќе се гради реверзибилната хидроцентрала Бистрица, како и Ѓердап 3.

„Мора да инвестираме многу повеќе“, изјави Вучиќ.Тој укажа и на плановите за изградба на гасоводи до Косовска Митровица, но рече дека за тоа има политички проблеми. Тој додаде дека финансирањето на сите тие проекти е планирано во 2023 година, објави Танјуг.