Од Управата за хидрометеоролошки работи за денеска најавуваат топло и сончево време, со мала до умерена облачност. Во попладневните часови ќе има услови за локална појава на нестабилност проследена со дожд, со грмежи и со засилен ветер. Ќе дува слаб до умерен ветер од променлив правец.

Утринските температури ќе се движат меѓу 13 и 19 степени Целзиусови, додека дневните ќе достигнат од 28 до 37 степени.

Во Скопје ќе преовладува сончево и топло време со мала до умерена облачност, а во одредени делови од котлината во попладневните часови се можни врнежи од дожд, грмежи и засилен ветер.