Најновото видео во кое може да се видат луѓе со фантомки и палки како ги тепаат мигрантите и им велат „одете во Босна“ повторно ја вознемирија хрватската јавност.

Во емисијата „Потрага“ на хрватски РТЛ вчера беше објавена вознемирувачка снимка, на која се гледаат и слушаат маскирани лица како тепаат мигранти, кои испуштаат болни крици и насилно ги насочуваат преку притоката на реката Корана од територијата на Хрватска до територијата на Босна и Херцеговина.

Истото видео беше објавено од холандската истражувачка новинарска мрежа „Lighthouse Reports“ и некои од водечките европски медиуми кои исто така учествуваа во истражувањето.

EU governments deny the existence of a violent campaign by masked men to turn away asylum seekers at EU borders. A months-long investigation by @LHReports & leading media unmasks these groups, reveals who commands & finances them pic.twitter.com/nGNFs5Epsi

— Lighthouse Reports (@LHreports) October 6, 2021

На видеото може да се слушне и види еден од маскираните лица како го тепа мигрантот и вика по него: „Оди во Босна“, пренесува Курир.рс.

Тоа е, инаку, снимка направена во јуни оваа година за време на осуммесечно истражување во која тимот на РТЛ учествувале и со колегите од Холандија, Швајцарија, Германија, Австрија, Франција и други земји.

Истражните новинари Клас ван Дијкен и Ламија Шабиќ го снимија овој настан со камера во близина на градот Штурлиќ од босанско-херцеговска страна.

Министерот за внатрешни работи, Давор Божиновиќ, денеска изјави дека не може конкретно да го коментира видеото, но дека директорот на полицијата формирал тим кој денес е веќе на терен со задача да утврди што точно се случило и кој учествувал во него.

На прашањето дали и тој е одговорен доколку снимката се покаже како автентична, Божиновиќ одговори со прашањето: „Зошто тоа би била моја лична одговорност?“.

Тој исто така рече дека никој нема упатства за употреба на сила.

„Само тепај ги, и јас би“.

По објавувањето на вознемирувачкото видео, бројни граѓани го коментираа настанот на социјалните мрежи.

Мал дел од коментарите го осудуваат нападот врз мигрантите, додека повеќето го одобруваат или дури го слават на овој или оној начин, пишува Индекс.хр.

„Браво, полиција! Бројни граѓани напишаа на Фејсбук, под услов да има и такви кои веруваат дека тие не се полицајци на видеото и дека се е наместено. Ниту еден од нив нема проблем со тепањето на мигранти и илегално враќање назад во БиХ.