Од Еквадор пристигнува вознемируваачка сцена која се случила во луксузна населба на островот Моколи. За време на натпревар во мал фудбал неколку маскирани мажи влегуваат на теренот и почнуваат да пукаат. Според информациите на локалните медиуми, главна мета бил Ел Марино, водачот на озлогласената криминална група „Лос Лагартос“, a во нападот биле убиени вкупно тројца луѓе. Уште неколкумина ранети се пренесени во болница.

Настанот предизвика шок кај јавноста во оваа земја, особено ако се земе предвид дека островот Моколи важи за едно од најлуксузните и најстрого обезбедени места во земјата, со големо присуство на приватно обезбедување. Сепак, ниту високото ниво на безбедност не било доволно за да се спречи ваквиот напад.

🇪🇨 || En #Ecuador, sujetos fuertemente armados y disfrazados de militares irrumpieron en una cancha de fútbol en la isla Mocolí, provincia del Guayas, donde ultimaron a tres personas.

Autoridades investigan el caso, no se descarta que el ataque esté vinculado al crimen… pic.twitter.com/g16y8DRkcw

— Diario de Puebla (@DiariodePuebla) January 9, 2026

На една од снимките што кружат на социјалните мрежи може да се види моментот кога еден од напаѓачите му приоѓа на Марино, брутално го удира со нога во лицето, а потоа му застанува со стапалото врз главата додека тој беспомошно лежи на вештачката трева на фудбалскиот терен.

Ел Марино бил познат по раскошниот начин на живот и честите патувања на атрактивни светски дестинации, меѓу кои и Дубаи. Во исто време, според истражните органи, тој бил клучна фигура во разгранета мрежа за шверц на наркотици преку еквадорските пристаништа.