На Фејсбук страницата Шепасти Ентузијасти објавена е вознемирувачка фотографија на која се гледа како мало куче виси обесено на дрво во шума во Дмир Капија, по што администраторите на оваа група побараа одговорност за сторителите. 

„Понекогаш не знаеме како да изреагираме на ваков случај! Штотуку овие слики ги добивме во порака од Демир Капија. Ова се случило денес, обесиле мало кутре, мало бебе, мало дете кутре“, стои во описот над сликата, со барање сите да ја споделат фотографијата од овој монструзен чин.

„Споделете сите! Мислиме дека конечно дојде време овие монструми да почнат да бидат казнувани од државата која постојано врти образ на вакви случаи, а ние, тангирани од истите сме третирани како чудаци, грижејки се за овие невини суштества! Случајот ќе биде пријавен утре во МВР и АХВ“, се додава во објавата.