Американскиот претседател Доналд Трамп им кажал на своите помошници дека е подготвен да ја прекине воената кампања против Иран дури и ако Ормускиот Tеснец остане во голема мера затворен, објави „Волстрит журнал“, повикувајќи се на претставници на администрацијата.

Според весникот, Трамп и неговите помошници процениле дека операцијата за повторно отворање на морскиот премин ќе го продолжи конфликтот повеќе од планираните четири до шест недели.

Затоа, беше одлучено дека Соединетите Американски Држави ќе се стремат да ги постигнат своите главни цели, ослабување на иранската морнарица и нејзините ракетни залихи, како и намалување на моменталните непријателства, а истовремено да вршат дипломатски притисок врз Техеран за да се овозможи слободен проток на трговија.

Доколку тоа не успее, Вашингтон, според официјалните лица, ќе изврши притисок врз сојузниците во Европа и земјите од Заливот да ја преземат водечката улога во повторното отворање на Ормутскиот Теснец.

Ормускиот Теснец е клучен за глобалното снабдување со нафта

Оценката доаѓа во време кога цените на енергијата се зголемија низ целиот свет од почетокот на конфликтот, делумно поради фактот што Ормускиот Теснец – еден од најважните светски патишта за испорака на нафта е практично блокиран по иранските одговори на нападите на САД и Израел.

Цените на нафтата вчера дополнително се зголемија на околу 116 долари за барел, близу до највисоките нивоа од почетокот на војната, објави „Волстрит журнал“.